Չեմ կարծում՝ քննադատություններն արտահայտում են իրականությունը. Փաշինյան

Երբ Ընտրական օրենսգրքի փոփոխությունները պարզեցման ուղղությամբ են, ժամանակի խնդիր չկա. լրագրողների հետ զրույցում ասաց ՀՀ վարչապետի պաշտոնակատար Նիկոլ Փաշինյանը՝ պատասխանելով հարցին, թե ինչպես է վերաբերվում ՀՀԿ-ի քննադատությանը, թե հապճեպ է արվում ամեն ինչ:

Փաշինյանի խոսքով՝ ԸՕ-ն ընդունվել է գործող ընթացակարգերի էական բարդացմամբ և, բնականաբար, ժամանակ էր պետք, որպեսզի մարդիկ դա ընկալեին: «Նույնիսկ այդ պարագայում ընտրությունների ժամանակ որոշակի հարցեր էր առաջացնում, իսկ հիմա ամեն ինչ գնում է պարզեցման, թեթևացման ուղղությամբ: Չեմ կարծում, թե քննադատություններն արտահայտում են իրականությունը»,- ասաց նա:

Հարցին, թե ՀՀԿ-ին ընդդիմության դերում պատկերացնո՞ւմ է՝ Փաշինյանը պատասխանեց, որ ինքը չէ, որ պետք է պատկերացնի ինչ-որ մեկին ընդդիմության դերում: