Էյֆորիայի անցնելուց հետո կասկածի տակ կդրվի ապագա խորհրդարանի լեգիտիմությունը. Քոչարյան

Դեկտեմբերին արտահերթ ընտրություններ անցկացնելու կողմնակի հետևանքը կլինի  այն, որ կասկածի տակ կդրվի ապագա խորհրդարանի լեգիտիմությունը: Այդ մասին РИА Новости-ին տված հարցազրույցում ասել է ՀՀ երկրորդ նախագահ Ռոբերտ Քոչարյանը:

Ըստ նրա` քանի դեռ հեղափոխական էյֆորիան գերիշխում է, այդ մասին քիչ են խոսելու, բայց դրա  անցնելուց հետո լեգիտիմության թեման անընդհատ կբարձրացվի: «Ենթադրում եմ, որ արդեն 1-2 տարուց կգերիշխեն խոսակցություններն այն մասին, որ նոր խորհրդարանը չի արտացոլում հասարակության շրջանում առկա իրական տրամադրություններն ու ընտրված է ոչ լեգիտիմ կերպով, քանի որ նախորդը լուծարվել է աննախադեպ ճնշման տակ, և հարկավոր է նոր ընտրություններ անցկացնել»,- ասել է Քոչարյանը: