Արտահերթ նիստում ԱԺ-ն ԱԱԾ տնօրենի և ՀՔԾ պետի հեռախոսազրույցի հարցով քննիչ հանձնաժողով կձևավորի

Այսօր` հերթական ԱԺ նիստից հետո, պատգամավորների նախաձեռնությամբ կհրավիրվի արտահերթ նիստ: ԱԺ նախագահ Արա Բաբլոյանը ԱԺ նիստում հայտարարեց, որ, Սահմանադրության 108-րդ և Ազգային ժողովի կանոնակարգ օրենքի 20-րդ հոդվածի համաձայն, ԱԺ պատգամավորների 1/4-ը դիմել է իրեն՝ արդարադատության կայացմանը խոչընդոտելու, արդար դատաքննության իրավունքի և հեռախոսային խոսակցությունների գաղտնիությունը խախտելու փաստերի մասին հարցի ուսումնասիրության նպատակով Քննիչ հանձնաժողով ստեղծելու պահանջով։ Արտահերթ նիստում հանձնաժողով ստեղծելու մասին որոշում կկայացվի:

Նշենք, որ օրենքով ԱԺ Քննիչ հանձնաժողով ստեղծվում է  իրավունքի ուժով, իսկ հանձնաժողովի անդամների թիվը սահմանվում է  ԱԺ որոշմամբ։

Հիշեցնենք, որ Youtube-ում հրապարակվել էր ԱԱԾ տնօրեն Արթուր Վանեցյանի և ՀՔԾ պետ Սասուն Խաչատրյանի հեռախոսազրույցը, որում նրանք խոսում են Մարտի 1-ի քրեական գործով անցնող մեղադրյալների, անելիքների, գործով մեղադրյալ Յուրի Խաչատուրովին կալանավորել-չկալանավորելու մասին։