Այո, սև ուժեր կան. Հայկ Մարության

Այսօր «Ազատություն» ռադիոկայանի հետ զրույցում, Երևանի ավագանու ընտրություններում «Իմ քայլը» դաշինքի քաղաքապետի թեկնածու Հայկ Մարությանը` անդրադառնալով իր կողմից օրեր առաջ հնչեցրած աղմկահարույց արտահայտություններին, կրկնեց դրանք:

«Չեմ սիրում փնտրել դավադրական տեսություններ, հիմնվում եմ փաստերի վրա: Իմ ձևակերպումը ոչ այնքան ճշգրիտ էր, բայց, սխալ չէր: Այո, սև ուժեր գոյություն ունեն,որոնք ձգտում են ռևանշիզմի,  և բոլորս իրար հետ մայիսի 2-ին դուրս էինք եկել փողոց հենց այդ սև ուժերի դեմ»,- ասաց Մարությանը:

Ինչ վերաբերում է  «մեր դեմ խաղ» չկա արտահայտությանը,  Հայկ Մարությանը նշեց, որ ինքը միտքը չի հնչեցրել նախընտրական համատեսքստում. «Դա նախընտրական հանդիպում չէր, դա մեր թիմի հետ հանդիպում էր: Ես այդ օրն արձանագրեցի, որ պայքարը վերջացած չէ, եւ մենք դեռ երկար պայքարի ճանապարհ ունենք»: