Ես ասել եմ՝ առաջինը եկեք, ինձ ստուգեք. Ծառուկյանը` իր ընկերություններում ստուգումների մասին

Ես ասել եմ՝ առաջինը եկեք, ինձ ստուգեք. ԲՀԿ համաժողովի շրջանակում լրագրողների հետ զրույցում ասաց ԲԿՀ ղեկավար Գագիկ Ծառուկյանը՝ պատասխանելով հարցին, թե ի՞նչ ստուգումներ են իրականացվել իրեն պատկանող ընկերություններում:

Ծառուկյանի խոսքով՝ իր ընկերությունները բոլորի օրոք էլ կարող են  ստուգվել: «Ես ասել եմ՝ պատրաստ եմ, թող գան ու ստուգեն: Արտոնություն ոչ ոք չունի, բոլորը հավասար են օրենքի առաջ: Եթե մենք մաքուր ենք, ինչի՞ց պետք է վախենանք»,- ասաց նա:

Հարցին` եթե պարզվի՝ Հովիկ Աբրահամյանը Մարտի 1-ի հետ կապ ունի, ինչպիսի՞ն կլինի իր վերաբերմունքը, Ծառուկյանը պատասխանեց. «Եթե Հովիկ Աբրահամյանը Մարտի 1-ի հետ կապ ունի, ինչպես իմ մասին ասացի՝ Ծառուկյանին թող գան, գնդակահարեն հրապարակում, նույնն էլ` Աբրահամյանի հետ կապված. Աբրահամյանը պատրաստ է, թող գնդակահարեն»:

Դիտարկմանը, թե ՀՀ-ում գնդակահարության հոդված չկա, Ծառուկյանը պատասխանեց, թե «կմտցնեն» այդ հոդվածը: «Հայտարարվել է, որ զենքերը ստուգում են, երբ կստուգեն, պատասխան կլինի, նոր մենք էլ կպատասխանենք»,- ասաց նա: