Նախաձեռնում ենք նոր քրեակատարողական հիմնարկի` մեկուսարանի կառուցում. Արտակ Զեյնալյան

Հայաստանում չկա դատապարտյալ, որ մահճակալ չունենա. 100-օրյա աշխատանքի ամփոփմանը նվիրված ասուլիսում հայտարարեց արդարադատության նախարար Արտակ Զեյնալյանը` անդրադառնալով բանտերի ծանրաբեռնվածությանը:

«Մենք նախաձեռնում ենք նոր քրեակատարողական հիմնարկի` մեկուսարանի կառուցում, որը պետք է փոխարինի Նուբարաշեն քրեակատարողական հիմնարկին: Մենք բանտային պայմաններն իրավունքին և օրենքին համապատասխանեցնելու խնդիր ունենք, որը ձևավորվել է տարիների ընթացքում»,- ասաց նախարարը:

Նրա խոսքով`  փոփոխության է ենթակա  «Գորիս» քրակատարողական հիմնարկը, «Վարդաշեն» քրեակատարողական  հիմնարկի պայմաններն էլ պետք է բարելավվեն, Տավուշում պետք է լինի մեկուսարան: Նախարարը նաև նշեց, որ բանտային նոր հիվանդանոցի կարիք կա: «Այս ոլորտում շինարարություն իրականացնելու, նոր ենթակառուցվածքներ ստեղծելու անհրաժեշտություն կա»,- եզրափակեց Զեյնալյանը: