Առնվազն 2 քրեակատարողական հիմնարկ ենթակա է փոխարինման. Արտակ Զեյնալյան

Առնվազն 2 քրեակատարողական հիմնարկ ենթակա է փոխարինման՝ Նուբարաշենի ու Գորիսի ՔԿ-ները. լրագրողների հետ զրույցում նման կարծիք հայտնեց արդարադատության նախարարի պաշտոնակատար Արտակ Զեյնալյանը:

Նա նշեց, որ այս պահին կառավարությունում որոշման նախագիծ կա պահուստային ֆոնդից գումար տրամադրելու վերաբերյալ:

«Միջոցներ ենք հայթհայթում ՔԿՀ-ները նորոգելու համար: Մեր պահանջարկն ավելին է, գումարները քիչ են, դրա համար էլ պետք է կարողանանք այնպես վերաբաշխենք, որ բյուջեն ոչ թե շարունակի նվազել, այլ աճի, որպեսզի ստիպված չլինենք պարտք վերցնել: Եթե մեզ հաջողվի խնայել, վերաբաշխումներ կկատարենք ու արդյունքում կապիտալ վերանորոգումներ կկատարենք»,-ասաց Զեյնալյանը:

Նա հավելեց նաև, որ պարբերաբար վերանորոգման աշխատանքները կատարվում են: