Ռուսաստանն ունի Ալիևին պատերազմից հետ կանգնեցնելու բոլոր հնարավորությունները. Փաշինյան

Հայաստանի և Ադրբեջանի միջև պատերազմի վտանգը մեծանում է, և Ռուսաստանն ունի նախագահ Ալիևին պատերազմից հետ կանգնեցնելու բոլոր հնարավորությունները. Эхо Москвы ռադիոկայանին տված հարցազրույցում հայտարարել է Հայաստանի վարչապետ Նիկլոլ Փաշինյանը:

Նա նաև նշել է, որ Հայաստանում  ռուսական 102-րդ ռազմակայանը տեղակայված է հանրապետության անվտանգության նկատառումներով, կշարունակվի նաև ռուսաստանցի սահմանապահների կողմից Թուրքիայի և Իրանի հետ սահմանի պաշտպանությունը, քանի որ դա շատ է օգնում Հայաստանին:

Փաշինյանը հայտնել է նաև, որ ՌԴ նախագահ Վլադիմիր Պուտինի հետ շփումն ավելի հեշտ է եղել, քան ինքը մտածում էր, նաև վստահեցրել է, որ Հայաստանը կշարունակի զարգացնել կապերը Ռուսաստանի հետ: