Մանվել Գրիգորյանի հայրական տնից գողություն է կատարվել

Երեկ գողություն է կատարվել ԱԺ պատգամավոր, ԵԿՄ նախագահ, ներկայումս կալանքի տակ գտնվող Մանվել Գրիգորյանի` Արշալույս գյուղում գտնվող հայրական տնից: Այս տեղեկությունը Yerkir.am-ի հետ զրույցում հաստատեցին ոստիկանությունից:

Հունիսի 28-ին` ժամը 15.30-ին, ոստիկանության Արմավիրի բաժին ահազանգ է ստացվել, որ Արշալույս գյուղում, օգտվելով առանձնատանը մարդկանց բացակայությունից, անհայտ անձինք, տեխնիկական միջոցների գործադրմամբ, պոկել են պատուհանի ճաղավանդակը և մուտք գործել Մանվել Գրիգորյանի հայրական տուն, խառնել անկողինները, դարակները, իրերը: Հիշյալ դեպքի կապակցությամբ նախապատրաստված նյութերն ուղարկվել են ՀՀ քննչական կոմիտե: