Լիաննա Հարությունյանն այսօր առաջին անգամ հանդես կգա Հայաստանում` մեծ մենահամերգով

«Երևանյան հեռանկարներ» 19-րդ միջազգային երաժշտական փառատոնի շրջանակներում հունիսի 28-ին` ժամը 19:00-ին, «Արամ Խաչատրյան» համերգասրահում տեղի կունենա  այսօրվա ամենահզոր սոպրանոներից մեկի՝ Լիաննա Հարությունյանի մենահամերգը` Հայաստանի ազգային ֆիլհարմոնիկ նվագախմբի հետ՝գեղարվեստական ղեկավար և գլխավոր դիրժոր Էդուարդ Թոփչյան:

Այս կապակցությամբ հունիսի 27-ին` ժամը 14:30-ին, «Արամ Խաչատրյան» համերգասրահի ճեմասրահում տեղի կունենա  հանրահայտ սոպրանո Լիաննա Հրությունյանի, Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրժոր Էդուարդ Թոփչյանի և Երևանյան Հեռանկարներ միջազգային  փառատոնի հիմնադիր նախագահ և գեղարվեստական ղեկավար, կոմպոզիտոր Ստեփան Ռոստոմյանի մամուլի ասուլիսը:

Համերգային ծրագիրը ներկայացնում է արիաներ և նախերգանքներ. Ջուզեպպե Վերդի, Պիետրո Մասկանի, Ջոակինո Ռոսինի, Ֆրանչեսկո Չիլեա, Ջակոմո Պուչինի:

«Երևանյան հեռանկարներ» 19-րդ միջազգային երաժշտական փառատոնը անց է կացվում ՀՀ վարչապետ Նիկոլ Փաշինյանի հովանու ներքո: