Տարոն Մարգարյանը հրաժարական չի տվել. նա այսօր հանդիպում է ունեցել

Տևական ժամանակ է, ինչ մամուլում լուրեր են շրջանառվում, թե Երևանի քաղաքապետ Տարոն Մարգարյանի հրաժարականի դիմումն արդեն գրված է: Այսօր էլ Երևանի ավագանու «Ելք» խմբակցության անդամ Դավիթ Խաժակյանն էր լրատվամիջոցների հետ զրույցում նշել, թե Երևանի քաղաքապետ Տարոն Մարգարյանը հրաժարականի դիմում է գրել, սակայն այն ինչ-ինչ պատճառներով չի հրապարակվում: 

Yerkir.am-ի հետ զրույցում Երևանի քաղաքապետարանի հասարակայնության և լրատվության հետ կապերի վարչության պետ Արթուր Գևորգյանը հերքեց այդ տեղեկատվությունը: «Ավելին` Տարոն Մարգարյանն այսօր կեսօրին հանդիպում է ունեցել Սանկտ Պետերբուրգի փոխնահանգապետի հետ»,- ասաց նա: