Շուտով կհրապարակենք արդյունքները. «Այբ»-ի աուդիտի պատասխանները պատրաստ են

ՀՀ ԿԳ նախարար Արայիկ Հարությունյանը հունիսի 5-ին՝ ԿԳ բյուջեի ծախսերը ներկայացնելու ընթացքում հարցուպատասխանի ժամանակ, ասել էր, որ «Այբ»-ի «Արարատյան բակալավրիատ» ծրագրի ֆինանսական աուդիտ է իրականացվում:

Yerkir.am-ը հետաքրքրվեց նախարարից, թե աուդիտի արդյունքները պատրաստ են: Հարությունյանը պատասխանեց, որ, այո, մեկ տարվա արդյունքները պատրաստ են: «Մի քանի օրվա ընթացքում կհրապարակենք արդյունքները»,- ասաց նա:

Լրագրողների մեկի հարցին, թե նախարարը շարունակո՞ւմ է պնդել, որ տեր Մեսրոպ քահանա Արամյանը հանրակրթությանն ամենամեծ վնասները հասցրած մարդկանցից մեկն է, նախարարը պատասխանեց, որ «Արարատյան բակալավրիատի» աուդիտով չէ, որ պետք է այդ կարծիքը հայտնի: «Ես մինչ այդ եմ նման կարծիք հայտնել ու շարունակում եմ պնդել դա»,- նշեց նա:

Հարցին, թե վերանայելո՞ւ են ծրագրի ֆինանսավորման չափը, Հարությունյանը պատասխանեց, որ քննարկում են այդ հարցը: