Անձրևներից հետո, առանց օդային փոխադրամիջոցներից օգտվելու, հայտնվում ենք Վենետիկում

Անձրևներից հետո, առանց օդային փոխադրամիջոցներից օգտվելու, հայտնվում ենք Վենետիկում. Երևանի ավագանու նիստում հայտարարեց «Երկիր ծիրանի» խմբակցության անդամ Սոնա Աղեկյանը: Նրա խոսքով՝ տարբերությունն այն է, որ մեր տարեցները` ծռված մեջքերով, և երեխաները ստիպված են լինում այդ ճանապարհը հաղթահարել սեփական ոտքերով, այլ ոչ թե նավերով:

«Արդեն մի քանի տարի է՝ շատ ամուր փակել եք ձեր աչքերը, ականջները, պահ եք մտել ոստիկանության աշխատակիցների թիկունքում, որպեսզի Ձեր անդորրը չխախտվի հանկարծ: Դուք գերադասում եք մեր պետբյուջեի գումարներով թանկարժեք կոնյակ խմել, կանանց ճոխ նվերներ գնել, բարեկարգ ասֆալտը քանդել և այդ միջոցով գումարներ լվանալ: Անգամ չեք փորձում գոնե քիչ-քիչ կոնյակի արժեքը նվազեցնել՝ այն ուղղելով դժոխային վիճակում գտնվող վերելակների վերանորոգմանը, մանկապարտեզների չգործող մասնաշենքների բարեկարգմանը, որպեսզի հերթագրումներից ազատվենք»,- ասաց Աղեկյանը:

Նրա խոսքով՝ եկել է գողոնը վերադարձնելու ժամանակը: