Պետությունը պարտավոր է ժամկետային զինծառայողներին ապահովել անհրաժեշտ սննդով, հագուստով, հիգիենիկ պարագաներով. Ն. Փաշինյան

Քիչ առաջ ֆեյսբուքյան ուղիղ հեռարձակմամբ ՀՀ վարչապետ Նիկոլ Փաշինյանը խոսեց ժամկետային զինծառայողերի հետ կապված մի խնդրի մասին: Խնդիր, որը առկա է վաղուց և որի մասին զինծառայողների ծնողները միշտ բողոքներ են ներկայացնում:

«Այս պահից սկսած որևէ պարագայում ձեր երեխաների համար չուղարկեք հիգիենիկ պարագաներ, հագուստ, կոշիկ զինվորական, սնունդ: Եթե ձեր զինծառայող երեխաները կասեն, որ ապահովված չեն, սկսած ատամի մածուկից, վերջացրած սափրվելու պարագաներով ու հագուստով, ուրեմն անհապաղ դիմեք վարչապետի աշխատակազմ կամ մամուլով հրապարակեք այդ խնդրի մասին` նշելով զորամասի համարը»,- ասաց Փաշինյանը:

Նա հավելեց, որ ստացել է հավաստիացումներ, որ նամն բնույթի խնդիրներ չեն ծագի, և որ ժամկետային զինծառայողները ապահովված կլինեն անհրաժեշտ սննդով, հագուստով, հիգիենիկ պարագաներով: Սակայն, խնդիրներ առաջաալու պարագայում, ըստ Փաշինյանի, պատասխանատվության կենթարկվեն մեղավորները: