Սուրեն Կարայանը շրջայց է կատարել հայկական կաշվե արտադրությունում

ՀՀ տնտեսական զարգացման և նեդրումների նախարար Սուրեն Կարայանն այսօր այցելել է հայկական «Սալի» ապրանքանիշը ներկայացնող «Զեննի» ընկերության արտադրամաս՝ ծանոթանալու ընկերության գործունեությանը։

Ընկերության հիմնադիր Բեգլար Իգնատյանը նախարարին ներկայացրել է ընկերության արտադրական հնարավորությունները և նոր սարքավորումները, որոնք գործարարի խոսքով՝ բարձրացրել են արտադրողականությունը և արտադրանքի որակական հատկանիշները։ Նախարարին ներկայացվել է նաև «Զեննի» ընկերության նոր՝ «Իգնատյան» ապրանքանիշը։

Նախարար Սուրեն Կարայանի հետ ընկերության ներկայացուցիչները քննարկել են արտաքին շուկաներում արտադրանքի առաջմղման հնարավորությունները, արտադրության ընդլայնմանը և առաջիկա ծրագրերին առնչվող հարցեր։

Բեգլար Իգնատյանը նշել է, որ իրենց բիզնես նպատակն է՝ աշխարհին ճանաչելի դարձնել Հայաստանի բարձրորակ կաշվե արտադրանքը։

Ապրանքանիշի հիմնադիրը նշել է, որ նախօրեին կառավարության կողմից տրամադրված ներմուծվող սարքավորումների և հումքի մաքսատուրքից ազատման արտոնությունը կթեթևացնի իրենց բիզնեսի բեռը։ Գործարարը նախարարին շնորհակալություն է հայտնել արդյունավետ համագործակցության համար։

Ընկերությունը 2017 թվականին ունեցել է արտադրանքի 8,5% աճ։ Պատրաստի արտադրանքն արտահանվել է ԵԱՏՄ երկրներ, այնիրացվել է նաև հայաստանյան շուկայում։