«Հայկական» ստվերաներկեր. Հայաստանով տպավորված Քիմը նոր հավաքածու է ստեղծել

Հայտնի հեռուստաաստղ Քիմ Քարդաշյանն իր դիմահարդար Մարիո Դեդիվանովիչի հետ վերջերս թողարկել էր նոր՝ KKWxMario համատեղ կոսմետիկ արտադրանքը: Այդ մասին Քիմ ու Մարիոն զրուցել են Refinery29-ի հետ:  

Հայտնի է դարձել, Քիմն ու Մարիոն իրենց արտադրանքի որոշ տեսակներ կոչել են «Հայկական» եւ «Ալբանական»՝ շեշտելով իրենց արմատները:

Լրագրողի հարցին, թե «ինչո՞ւ են որոշել ընդգծել իրենց ազգությունը արտադրանքի մեջ», Քիմը պատասխանել է. «Երկուսս էլ զգում ենք, որ մեր ժառանգությունը խոր նշանակություն ունի մեզ համար: Մենք այդ մասին անընդհատ խոսում ենք»:

Քիմը նաև պատմել է, որ Հայաստան այցի ժամանակ իր հետ եղել է Մարիոն: «Մենք միշտ խոսում ենք մեր մշակույթների մասին: Մտածեցինք, որ հրաշալի կլինի, եթե ստվերաներկերն անվանենք այն անուններով, որտեղից եկել ենք»,- նշել է նա: