Սննդի կետում պայթյունից բոլոր տուժածների մոտ առկա են ստորին վերջույթների քերծած վերքեր

Տեղեկացրել էինք, որ երեկ Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում տեղի ունեցած պայթյունի հետևանքով տուժած 7 մարդ բուժում է ստանում «Սուրբ Գրիգոր Լուսավորիչ» բժշկական կենտրոնում:

Առողջապահության նախարարությունից տեղականում ենք, որ բոլոր տուժածների մոտ առկա են ստորին վերջույթների, փափուկ հյուսվածքների քերծած վերքեր։

Տուժածներից մեկի՝ 8-ամյա Ռուբինա Մարկոսյանի մոտ պայթյունի հետևանքով առաջացել են աջ զստոսկրի և աջ ազդրի շրջանի կտրած, պատռած վերքեր, նրան անմիջապես վիրահատել են: Նրա վիճակը բժիշկները գնահատում են միջին ծանրության, իսկ մյուս 6-ինը` միջին ծանրության:

Նշենք, որ գիշերը ՀՀ առողջապահության նախարար Լևոն Ալթունյանը բժշկական կենտրոնում տեսակցել է տուժածներին, տեղեկացել նրանց առողջական վիճակով և հետաքրքրվել ցուցաբերվող բժշկական օգնության ընթացքով։