Ինչ հայտարարել ենք, ուժի մեջ է. Վահրամ Բաղդասարյանը` հայ-թուրքական արձանագրություններն առոչինչ ճանաչելու մասին

Եթե հայ-թուրքական արձանագրությունները որպես փաստաթուղթ են մնալու և որևէ ազդեցություն չեն ունենալու, դրանց անհրաժեշտությունը չկա. խորհրդարանում լրագրողներին ասաց ԱԺ ՀՀԿ խմբակցության ղեկավար Վահրամ Բաղդասարյանը:

«Մեր կողմից որևէ պարտավորություն չի դրժվել։ Թուրքիան է խուսափել պարտավորությունները կատարելուց ու նախապայմաններ է դրել, իսկ մենք նախապայմաններով որևէ համաձայնագիր չենք ստորագրում։ Եթե այսպես պիտի շարունակվի, և Թուրքիան չի արձագանքում, բնականաբար, այն, ինչ հայտարարել է հանրապետության նախագահը, դրա արդյունքները կտեսնեք ապագայում»,- ասաց նա։

Հիշեցնենք, որ ավելի վաղ Սերժ Սարգսյանը մի քանի անգամ հայտարարել էր, որ ՀՀ-ն 2018 թվականի գարուն է մտնելու առանց այդ արձանագրությունների։