Ռուսաստանը սկսել է «օրենքով գողերի» արտաքսումը

ՌԴ  ներքին գործերի նախարար Վլադիմիր Կոլոկոլցևն անձամբ որոշում է կայացրել երկրի տարածքում գտնվող «օրենքով գողերի» արտաքսման վերաբերյալ. հայտնում է Комсомольская правда: Արտաքսումն իրականացվում է ՌԴ քրեական օրենսգրքի հիման վրա: «Օրենքով գողերին» հիմնականում ձերբակալում են խարդախության, թմրանյութերի պահման ու վաճառքի մեղադրանքներով:

Ըստ կայքի` հնարավոր է` նման որոշումը կապված է 2018-ին Ռուսաստանում կայանալիք Ֆուտբոլի աշխարհի առաջնության հետ:

Նշվում է, որ «քրեական հեղինակությունների» շրջանում ամենամեծ թիվն են կազմում Վրաստանի քաղաքացիները (242), ռուսները (51), հայերը (30), եզդիները (26), ադրբեջանցիները (16), աբխազները (10), չեչենները (8), հրեաները (7):