Դավթաշենի կամրջից ցած նետված մայրն ու դուստրը երկու օր է` որոնվում էին. մանրամասներ

Այսօր Դավթաշենի կամրջի տակ մահացած հայտնաբերված մայրն ու դուստրը երկու օր է` որոնվում էին ոստիկանության Մաշտոցի բաժնի կողմից` որպես անհայտ կորած: Այս մասին Yerkir.am-ի հայտնեցին ՀՀ քննչական կոմիտեից:

Նախնական տեղեկություններով՝ մայրն ու դուստրը կամրջից ցած նետվելու եղանակով ինքնասպանություն են գործել: Նշանակվել է դատաբժշկական փորձաքննություն, կատարվում է քննություն:

Ավելի վաղ հայտնել ենք, որ փետրվարի 15-ին` ժամը 14:31-ին, տեղեկություն է ստացվել, որ Երևան քաղաքի Արաբկիրի այգում հայտնաբերվել է երկու դի, անհրաժեշտ է փրկարարների օգնությունը: Դեպքի վայր է մեկնել Ճգնաժամային կառավարման ազգային կենտրոնի օպերատիվ խումբը, մեկ մարտական հաշվարկ, հատուկ նշանակության փրկարարական աշխատանքների իրականացման կենտրոնի փրկարարական ջոկատը և հոգեբանական աջակցության բաժնի հրահանգիչը: Պարզվել է, որ Երևան քաղաքի Դավթաշենի կամրջի տակ՝ Հրազդանի կիրճում, հայտնաբերվել են 1981 թ. ծնված Գ. և 2009 թ. ծնված Ա. Հ.-ների դիերը: