Անդրեյ Զվյագինցևը, Ելենա Գորբաչովան և Եվգենի Միրոնովը՝ «Ոսկե արծիվ»-ի հաղթողներ

Երեկ «Մոսֆիլմ»-ում տեղի է ունեցել  «Ոսկե արծիվ» ազգային մրցանակաբաշխությունը:

РИА Новости-ից տեղեկանում ենք, որ «Լավագույն կինոռեժիսոր» անվանակարգում հաղթող է ճանաչվել ՌԴ հայտնի ռեժիսոր Անդրեյ Զվյագինցևն իր՝  «Չսեր» ֆիլմի համար: Մյուս անվանակարգերում՝ «Տղամարդու լավագույն դերակատար»-ում, հաղթող է ճանաչվել Եվգենի Միրոնովը /«Առաջինների ժամանակը» ֆիլմում խաղացած դերի համար/, իսկ «Լավագույն կին դերակատար» է ճանաչվել Ելենա Գորբաչովան՝  Բորիս Խլեբնիկովի «Առիթմիա» ֆիլմում կերտած դերի համար:

Հիշեցնենք, որ 2016-ին ռուսաստանաբնակ հայազգի ռեժիսոր, սցենարիստ և պրոդյուսեր Աննա Մելիքյանի «Սիրո մասին»  ֆիլմն էր արժանացել  «Ոսկե արծիվ» կինոմրցանակաբախության  «Լավագույն ֆիլմ» մրցանակին:  

Ամենամյա «Ոսկե արծիվ» կինոմրցանակաբաշխությունը, որի հաղթողներին որոշում են  Ռուսաստանի կինեմատոգրաֆիական արվեստների և գիտությունների ազգային ակադեմիան, կայանում է 2002 թվականից: