կարևոր
3985 դիտում, 1 տարի առաջ - 2023-05-24 13:07
Քաղաքական

Սերգեյ Միրոնովը հանդիպել է Հայ Յեղափոխական Դաշնակցության ներկայացուցիչների հետ

Սերգեյ Միրոնովը հանդիպել է Հայ Յեղափոխական Դաշնակցության ներկայացուցիչների հետ

«Արդար Ռուսաստանը՝ հանուն ճշմարտության» կուսակցության նախագահ, Պետդումայում կուսակցության խմբակցության ղեկավար Միրոնովը հանդիպել է ՀՅԴ Բյուրոյի ներկայացուցիչ Հակոբ Տեր-Խաչատուրյանի և ՀՀ ԱԺ «Հայաստան» խմբակցության պատգամավոր, ՀՅԴ Բյուրոյի քաղաքական ներկայացուցիչ Արմեն Ռուստամյանի հետ: Սերգեյ Միրոնովը շնորհակալություն է հայտնել հյուրերին այցի համար՝ հիշեցնելով, որ «Արդար Ռուսաստան. Հանուն ճշմարտության» կուսակցությունը և ՀՅԴ-ն վաղեմի բարեկամություն ունեն և առաջարկել է մեկնաբանել Հայաստանի Հանրապետության վարչապետ Նիկոլ Փաշինյանի հայտարարությունը Լեռնային Ղարաբաղը որպես Ադրբեջանի տարածք ճանաչելու Երևանի պատրաստակամության մասին։

Հակոբ Տեր-Խաչատուրյանը նշել է, որ Դաշնակցությունն այդ հարցում ոչ միայն չի աջակցում Հայաստանի գործող իշխանությանը, այլև կտրականապես դեմ է Լեռնային Ղարաբաղից հրաժարվելու քաղաքականությանը։

Հայ Յեղափոխական Դաշնակցության ներկայացուցիչների կարծիքով՝ Նիկոլ Փաշինյանն իրավունք չունի խոսել Լեռնային Ղարաբաղի բոլոր բնակիչների անունից։

Իր հերթին Սերգեյ Միրոնովն ասել է, որ Ադրբեջանի և Հայաստանի միջև հակամարտությունը խաղ է Արևմուտքի ձեռքում։ «Մեծ հաշվով, հավաքական Արևմուտքին խորթ են և՛ Հայաստանի և՛ Ադրբեջանի ազգային շահերը: Թերևս Արևմուտքը դա հասկանում է, բայց նրան պետք է մի հարթակ, որտեղ կկարողանա ոտնահարել Ռուսաստանի շահերը»,- ընդգծել է քաղաքական գործիչը։