«Ելք»-ի հաջորդ երթը` փետրվարի 5-ին

Այսօր «Երթ» դաշինքը նախաձեռնել էր երթ «Ոչ թանկացմանը» պահանջով: Երթի մասնակիցները անցան Երևանի կենտրոնական փողոցներով, որից հետո Հյուսիսային պողոտայում ելույթ ունեցավ «Ելք» դաշինքի անդամ, ԱԺ պատգամավոր Նիկոլ Փաշինյանը:Նրա խոսքով այս երթը «Ելք» դաշինքի ստեղծման օրվանից իրականացրած ամենաբազմամարդ երթն է:

«Չգիտեմ այս երթից իշխանությունները ինչ հետևություն կանեն, այս երթը սարսափելի չէ, բաց պոտենցիալով լուրջ միջոցառում է: Այս ընթացքում կառավարությունը պետք է մտածի հարկային օրենսգրքում փոփոխություններ իրականացնելու մասին, որոնք կկասեցնեն բենզինի, դիզվառելիքի գները, վերանայել եկամտահարկը»,- ասաց Նիկոլ Փաշինյանը:

Փաշինյանը հայտարարեց, որ փետրվարի 5-ին կիրականացնեն հաջորդ երթը, որը կունենա կոնկրետ պահանջ, եթե մինչ այդ կառավարությունը չնախաձեռնի հարկային օերնսդրության փոփոխություններ: