Այս պահին Երևանում sett-weather
Փոխարժեքներ 04 04 2025
USD ⚊ $ 391.32
EUR ⚊ € 432.53
RUB ⚊ ₽ 4.6652
GBP ⚊ £ 514.27
GEL ⚊ ₾ 141.78
կարևոր
0 դիտում, 7 տարի առաջ - 2018-01-16 18:20
Հասարակություն

Հոսպիտալացվել է 700 մարդ, 96 տոկոսը՝ երեխաներ. շնչառական վարակների փունջ է շրջանառվում

Հոսպիտալացվել է 700 մարդ, 96 տոկոսը՝ երեխաներ. շնչառական վարակների փունջ է շրջանառվում

Այսօրվա դրությամբ հանրապետության բոլոր հիվանդանոցներում հոսպիտալացված են գրեթե 700 սուր շնչառական վարակներով հիվանդ, որից թոքաբորբերը կազմում են 21 տոկոսը: Այս մասին «Ազատություն» ֆեյսբուքյան ասուլիսի ժամանակ ասաց հիվանդությունների վերահսկման և կանխարգելման ազգային կենտրոնի հատուկ վտանգավոր և օդակաթիլային վարակների բաժնի պետ Լիանա Թորոսյանը:

Նա նշեց նաև, որ հոսպիտալացվածների 96 տոկոսը 0-ից 4 տարեկան երեխաներն են: «Խնդիրն այն է, որ երեխաներն ունեն իմունային համակարգի ձևավորման խնդիր, ուստի ավելի խոցելի են: Նախորդ տարվա համեմատ մի փոքր ավելի բարձր է հիվանդացության ցուցանիշը, քանի որ նախորդ տարի նոյեմբերին գրանցվեց գրիպի պիկը»,-ասաց Թորոսյանը:

Նա նշեց նաև, որ հանրապետությունում բացի գրիպից, շնչառական վարակների փունջ է շրջանառվում: Թորոսյանի խոսքով՝ բոլոր խոցելի խմբերի համար առողջապահության նախարարությունն անվճար պատվաստում է իրականացնում:

Մասնագետը խորհուրդ տվեց նվազագույնի հասցնել շփումները, իսկ գրիպով հիվանդ բալիկ ունեցողներին խորհուրդ տվեց փոքրիկին չուղարկել մանկապարտեզ կամ դպրոց: 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը