Նոր տարին դիմավորելու տարօրինակ սովորույթները

Ներկայացնում ենք տարբեր երկրներում Նոր տարին դիմավորելու հետ կապված տարօրինակ սովորույթները:

Այսպես` Արգենտինայում Նոր տարվա գիշերը ընդունված է վարդագույն ներքնազգեստ հագնել, որպեսզի տարին սիրով լի լինի:

Ավստրալիայում Նոր տարվա գիշերը մարդիկ դուրս են գալիս փողոց և հարվածում թավաներին:

Բրազիլիայում ընդունված է այդ օրը հագնել սպիտակ զգեստներ` չար հոգիներին վախեցնելու համար:

Չիլիում Նոր տարվա գիշերը մարդիկ ուտում են 1 գդալ ոսպ, որպեսզի հաջորդ տարին աշխատանք և փող ունենան:

Կոլումբիայում ընդունված է Նոր տարվա գիշերը դատարկ ճամպրուոկով զբոսնել տան շուրջը, որ հաջորդ տարին լի լինի ճանապարհորդություններով:

Ֆիլիպիններում ընդունված է Նոր տարվա գիշերը վառել տան բոլոր լույսերը` չար ոգիներից ազատվելու համար:

Պուերտո Ռիկոյում Նոր տարվա գիշերը մարդիկ ջուր են լցնում դույլերի մեջ և կեսգիշերին այն լցնում շեմին:

Ռուսաստանում ընդունված է թղթի վրա երազանք գրել, այրել այն և գցել շամպայնով լի բաժակի մեջ ու մինչև 00:01-ը արագ խմել: