Թուրքիան ռուսաստանցի զբոսաշրջիկների համար ամենավտանգավոր երկրներից է

Ռուսաստանցի զբոսաշրջիկներն ամենից շատ խնդիրների են հանդիպում Թաիլանդում, Թուրքիայում, Դոմինիկյան Հանրապետությունում, Բուլղարիայում և Հնդկաստանում. տեղեկացնում է Ermenihaber-ը:

Թուրքական «yenimersaj.com.tr» կայքի տեղեկացմամբ՝ այս մասին հայտարարել է Ռուսաստանի արտգործնախարարության ճգնաժամային կառավարման կենտրոնի նախագահը:

«Նման խնդիրների շարքն են դասվում հիմնականում ճանապարհատրանսպորտային պատահարները, գողությունը, շորթումը, խեղդվելու վտանգը և բնության մեջ մարզիկներին պատահող միջադեպերը»,- նշել է նա:

Ըստ նշյալ կենտրոնի նախագահի` ահաբեկչության վտանգի պատճառով զբոսաշրջիկներին խորհուրդ չի տրվում մեկնել Աֆղանստան և Նիգերիայի հյուսիս-արևելք: