|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՌԴ Պետդումայի ԱՊՀ գործերով, եվրասիական ինտեգրման ու հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը Эхо Москвы-ի հետ զրույցում ասել է, որ Ադրբեջանում ՌԴ նոր դեսպանի նշանակման շուրջ ստեղծված իրավիճակը «դժվար թե գեղեցկացնի» ռուս-ադրբեջանական հարաբերությունները։
Նա պարզաբանել է, որ 2017 թվականի հուլիսին ԱՊՀ հարցերով հանձնաժողովը նախնական կարգով դիտարկել է Գեորգի Զուևի թեկնածությունը նոր դեսպանի պաշտոնում։
«Այսօրվա դրությամբ, որքանով ես եմ հասկանում, այս թեկնածությունը չի դիտարկվում: ՌԴ նախագահը, հավանաբար, այլ թեկնածություն կներկայացնի»,- նշել է Զատուլինը:
Նրա խոսքով` Ադրբեջանում զբաղվում են հայկական արմատների կամ ինչ-որ կապերի որոնմամբ, որոնք իրական են կամ հորինված: «Այնտեղ այնքան հեռու են հասել այդ առումով, որ դա արդեն, իմ կարծիքով, պարկեշտ չէ»,- նշել է Զատուլինը:
Ըստ նրա` ով էլ լինի դեսպանը, ինչ ազգանուն էլ ունենա, ինչ արմատներ, կապեր էլ ունենա, արտահայտելու է ՌԴ-ի տեսակետը, այլ ոչ թե այն, որն ուզում է Բաքուն։
Հիշեցնենք, որ ԶԼՄ-ներում տեղեկություն էր հայտնվել, որ Բաքուն մերժել է Զուևի թեկնածությունը նրա հայամետ դիրքորոշման համար: