Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Եթովպիայում Թուրքիայի արտակարգ և լիազոր դեսպան Ֆաթիհ Ուլուսոյը հայտարարել է, որ պաշտոնական Անկարան մոտ ժամանակներս պատրաստվում է դեսպանություններ բացել Բուրունդիում, Կենտրոնաաֆրիկյան Հանրապետությունում, Հասարակածային Գվինեայում, Լիբերիայում և Սիերա Լեոնեում:
Ըստ թուրքական «Haberler» լրատվամիջոցի՝ դեսպանը նշել է, որ այս պահին արդեն Թուրքիան աֆրիկյան 44 երկրներում ունի իր դեսպանությունները: Առաջիկա նպատակներից է այդ թիվը հասցնել 50-ի:
Ուլուսոյը տեղեկացրել է, որ վերջին 10 տարվա ընթացքում Թուրքիայի և աֆրիկյան պետությունների հարաբերությունները խորացել են, մասնավորապես` այս պահին 10 հազար աֆրիկացի ուսանող կրթություն է ստանում Թուրքիայում: Դեսպանը, խոսելով Թուրքիայի և Եթովպիայի հարաբերությունների մասին, նշել է, որ դրանք բավական բարձր մակարդակի վրա են: Այժմ 165 թուրքական ընկերություններ գործունեություն են ծավալում Եթովպիայի տարբեր ոլորտներում: Դրանից զատ, թուրք պաշտոնյան հայտնել է, որ այս պահին Թուրքիայի և աֆրիկյան երկրների միջև առևտրաշրջանառությունը կազմում է 16.7մլրդ դոլար: Իսկ Եթովպիայի 3 համալսարաններում դասավանդվում է թուրքերեն: