Մարզպետարանները կունենան զբոսաշրջության զարգացման վարչություններ

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց կառավարության որոշման փոփոխություն, որը նախատեսում է կառուցվածքային փոփոխություն մարզպետարանների աշխատակազմերում:

«Մարզերի ռազմավարության ընդունումից հետո ֆիքսվեց մարզերի գերակա ուղղություններից մեկը՝ զբոսաշրջությունը: Հիմա մենք առաջարկում ենք, որ մարզպետարանների կառուցվածքներում փոփոխություններ իրականացվեն, և նրանք ունենան զբոսաշրջության վարչություններ»,- ասաց նախարարը:

Վարչապետ Կարեն Կարապետյանը հավելեց. «Մենք ոչ միայն դեկորատիվ անվանումն ենք փոխում, այլև այդ վարչության բաղադրիչն ենք փոփոխում»:

Որոշումը հաստատվեց: