Ալիևը` Հայաստանի նախագահի հետ հնարավոր հանդիպման մասին

Ադրբեջանի նախագահ Իլհամ Ալիևը հայտարարել է, որ ԵԱՀԿ Մինսկի խմբի համանախագահների հետ շաբաթ օրը Բաքվում կքննարկի Հայաստանի Հանրապետության նախագահ Սերժ Սարգսյանի հետ ԼՂ հակամարտության կարգավորման հարցով հնարավոր հանդիպումը. հայտնում է РИА Новости-ն: Այդ մասին նա ասել է Բաքվում Եվրոպական Միության խորհրդի քաղաքականության և անվտանգության հարցերով հանձնաժողովի պատվիրակության հետ հանդիպման ժամանակ:

«...Կարծում եմ, որ բանակցային ձևաչափը պետք է վերսկսվի: Մի քանի օրից ես կհանդիպեմ ԵԱՀԿ Մինսկի խմբի համանախագահ պետությունների դեսպանների հետ, և մենք կքննարկենք հետագա բանակցությունները, ինչպես նաև նախագահների մակարդակով հնարավոր հանդիպումը»,- ասել է Ալիևը: