Ինձ ոչ ոք չի կարող նկատողություն անել. Արայիկ Գրիգորյան

ԱԺ Հանրապետական խմբակցության պատգամավոր Արայիկ Գրիգորյանն այսօր ԱԺ-ում լրագրողների հետ ճեպազրույցում հայտարարեց, որ ինքը Եվրաինտեգրման հարցերի մշտական հանձնաժողովի կազմից դուրս չի եկել։ Հարցին` նկատողություն են արել նիստերին չմասնակցելու համար, այդ պատճառո՞վ է լքել, նա արձագանքեց. «Ինձ ոչ ոք չի կարող նկատողություն անել, ես չեմ լքել հանձնաժողովը»:

Նշենք, որ մամուլում լուրեր են տարածվել, թե Արայիկ Գրիգորյանը լքելու է Եվրաինտեգրման հարցերի մշտական հանձնաժողովը:

Լրագրողները նաև հետաքրքվեցին Արտաշատի ընտրություններով, իսկ նա ասաց, թե կապ չունի Արտաշատի ընտրությունների հետ, զբաղվում է միայն Արարատ քաղաքի ընտրություններով: