Թուրքիան մեզ որպես սպառնալիք թող չդիտարկի. Իրաքյան Քուրդիստանի վարչապետ

Իրաքյան Քուրդիստանի վարչապետ Նեչիրվան Բարզանին երեկ՝ անկախության վերաբերյալ հանրաքվեում քվերակելուց անմիջապես հետո հայտարարությամբ է հանդես եկել:

Ըստ Demokrathaber-ի՝ անդրադառնալով հանրաքվեին դեմ երկրներին՝ նա նշել է, որ քուրդ ժողովուրդը երբեք որևէ երկրի համար սպառնալիք չի եղել և չի լինի:

«Այսօրվա հանրաքվեն Թուրքիայի համար երբեք սպառնալիք չի եղել: Բացի այդ` մենք չենք եղել ոչ մի երկրի անվտանգությանը ազդող հանգամանք: Քրդերը ցանկանում են, որ Թուրքիան ըմբռնումով մոտենա այս որոշմանը: Հանրաքվեն երբեք չի նշանակում, որ սեպտեմբերի 26-ից Քուրդիստանն անկախ է: Այս ընթացքում մեր ժողովուրդն անկախության հարցով իր կարծիքն է հայտնելու: Մենք բոլոր հարցերը ցանկանում ենք Բաղդադի հետ լուծել երկխոսության միջոցով: Այդ հարցով ակնկալում ենք, որ Թուրքիան ավելի հանգիստ կգործի: Թուրքիան այս ամենը չպետք է որպես սպառնալիք դիտարկի, քանի որ մենք ոչ մեկի համար սպառնալիք չենք»,-հայտարարել է Բարզանին: