Նպատակահարմար չենք գտել, չենք մասնակցե. Շարմազանովը` զորավարժություններին չմասնակցելու մասին

Այսօր տեղի է ունեցել ՀՀԿ ԳՄ հերթական նիստը: Նիստի ավարտից հետո ՀՀԿ խոսնակ Էդուարդ Շարմազանովը նշեց, որ քննարկվել են արտաքին քաղաքական, ներքաղաքական հարցեր, ներկուսակցական խնդիրներ, անդրադարձ է եղել համայնքների խոշորացմանը, ՏԻՄ ընտրություններին:

Նիստի ընթացքում ՀՀ նախագահը ներկայացրել է Սոչիում ՌԴ նախագահի հետ հանդիպման արդյունքները:

«Կարող ենք արձանագրել, որ այս փուլում ՀՀ և Ռուսաստանի միջև ռազմավարական դաշնակցային հարաբերությունները բոլոր ուղղություններով դինամիկ զարգանում են, հայկական կողմը դրական է գնահատում հանդիպումները

Լրագրողները հետաքրքրվեցին Վրաստանոմ ՆԱՏՕ-ի մասնակցությամբ զորավարժություններին Հայաստանի չմասնակցելու խնդրին: Ըստ Շարմազանովի, Հայաստանն իր անվտանգային գործողությունները իրականացնում է պլանավորված:

«Աժիոտաժը, որ արվում է, նմանեցնում եմ մեկ բաժակ ջրում փոթորկին:Նախ այդ զորավարժություններին Հայաստանի մասնակցել չմասնակցելը պետք չի գերկարևորել: Հայաստանը ՀԱՊԿ անդամ երկիր է, և չի հայտարարել, որ գտնում է դեպի ՆԱՏՕ: Եվ  գնահատականները,  թե մեկ գիշերվա մեջ կարծիք փոխեցին` մասնակցել չմասնակցելու առումով, դրանք ոչ պրոֆեսիոնալ գնահատականներ են: Եթե այս անգամ չենք մասնակցել,  դա չի նշանակում, որ ՆԱՏՕ-ի հետ այլևս չենք մասնակցելու խաղապահ առաքելությանը: Նպատակահարմար չենք գտել, դա առաջնային չի եղել, չենք մասնակցել»,- ասաց Շարմազանովը: