Արագածոտնի մարզպետ Աշոտ Սիմոնյանի մոտ կայացավ աշխատանքային առաջին խորհրդակցությունը

Մարզպետ Աշոտ Սիմոնյանի մոտ հուլիսի 20-ին  կայացավ աշխատանքային առաջին խորհրդակցությունը, որին մասնակցում էին մարզպետի տեղակալները, աշխատակազմի ղեկավարը, մարզպետի խորհրդականները եւ կառուցվածքային ստորաբաժանումների ղեկավարները:

Աշխատակազմի ղեկավար Հրաչյա Գեւորգյանն  աշխատակազմի անունից շնորհավորեց մարզպետին՝ պաշտոնավարման կապակցությամբ եւ բեղմնավոր աշխատանքային ընթացք մաղթեց:

Այնուհետեւ քննարկվեց ՀՀ կառավարության, տարածքային կառավարման եւ զարգացման  եւ այլ նախարարությունների, պետական գերատեսչությունների կողմից ստացված հանձնարարականների կատարման ընթացքը: Դրանք, մասնավորապես, վերաբերում էին խմելու եւ ոռոգման ջրի մատակարարմանը, համայքների միավորման, ,,Մաքուր Հայաստան,, ծրագրերին եւ այլ ոլորտներին առնչվող խնդիրներին: Հանձնարարականների կատարման վերաբերյալ հնչեցին պարզաբանումներ եւ  առաջարկություններ: Աշխատակազմի ղեկավարը ներկայացրեց, որ փաստաթղթաշրջանառության առումով  ժամկետանց գրություններ չկան, եւ բոլոր գրություններին պատասխան է տրվել սահմանված կարգին համախապատասխան:

Մարզպետ Աշոտ Սիմոնյանը անդրադարձավ բարձրացված հարցերին եւ նշեց, որ աշխատանքի կազմակերպումը չպետք է սահմանափակվի, սոսկ,  գրավոր հանձնարարականների կատարումով, այլ դրանց պետք է տրվեն բովանդակային լուծումներ: Կառուցվածքային  ստորաբաժանումների հետ կկազմակերպվեն հանդիպումներ, կստակեցվեն  առաջիկա անելիքները, կքննարկվեն դրանց լուծման գործնական ուղիները: Ելնելով գործունեության  ծավալից, մարզպետն առաջարկեց աշխատանքային խորհրդակցությունները կազմակերպել ավելի հաճախակի՝ ըստ անհրաժեշտության:

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին