Արցախում ուսումնասիրվում է առաջնագիծը մշտապես խմելու ջրով ապահելու հարցը

ԼՂՀ նախագահ Բակո Սահակյանի խորհրդական Տիգրան Աբրահամյանն իր ֆեյսբուքյան էջում լուսանկար է հրապարակել ու գրել. «Արդեն առիթ ունեցել եմ տեղեկացնելու, որ առաջիկայում բանակում և հատկապես առաջնագծում մի շարք կարևոր ծրագրեր են իրականացվելու, որոնք էականորեն ազդելու են զինծառայողների սոցիալ-կենցաղային պայմանների բարելավման վրա:

Եվ այսպես, Արցախում ներկայումս ուսումնասիրվում և հաշվարկվում են առաջնագիծը մշտապես խմելու ջրով ապահելու հարցը: Պիլոտային ծրագիրը բարեհաջող իրականացվել է Ջրականում (նախկինում՝ Ջաբրայիլ, որոշ դիրքեր ապահովված են մշտական ջրով):

Առաջնագծում ծառայած և ծառայող մարդիկ լավ գիտեն այս ծրագրի իրական էֆեկտիվությունն ու գինը, իսկ զինծառայողների հետ անցկացվող զրույցների ժամանակ այս ծրագրի իրականացումը ամենանախընտրելիներից է: