Մեր առաջնահերթություններում սահմանամերձ գոտու անվտանգ սենյակների կառուցումն է. նախարար

Խորհրդարանում 2016 թվականի բյուջեի կատարողականի քննարկման ժամանակ «Ելք» խմբակցության պատգամավոր Գևորգ Գորգիսյանը ԱԻ նախարար Դավիթ Տոնոյանից հետաքրքրվեց, թե ի՞նչ վիճակում են գտնվում ապաստարանները:

«Մեր քարոզարշավի ժամանակ Երևանում եղանք ապաստարաններում, որոնք բետոնե շերտով էին ծածկված, ավտոտնակներ էին կառուցվել դրանց վրա։ Ինչ-որ մոնիթորինգ կա՞` դրանց վերականգնման կամ նորերի կառուցման առումով»,- հարցրեց պատգամավորը:

Նախարարն ընդգծեց, որ Երևանում և որոշ բնակավայրերում առաջին անհրաժեշտության ապաստարաններ են կառուցվում ու վերականգնվում: 

«Մետրոպոլիտենն էլ իր խնդիրն է կատարում: Մեր առաջնահերթություններում այս պահին սահմանամերձ գոտու անվտանգ սենյակների կամ շինությունների կառուցումն է: Բոլոր ֆինանսական ներդրումները գնալու են այդ ուղղությամբ», - հայտնեց նա: