«Երկիր ծիրանին» սեփական օրակարգով Երևանի ավագանու այլընտրանքային նիստ է հրավիրել

«Երկիր ծիրանի» կուսակցության Երևանի ավագանու խմբակցությունն այսօր Երևանի ավագանու այլընտրանքային նիստ է հրավիրել:

Կուսակցության տարածած հաղորդագրության մեջ նշվում է, թե ինչ օրակարգով է նիստը հրավիրվում:

«1. ԱՄՆ 28-րդ նախագահ և Խաղաղության նոբելյան մրցանակի դափնեկիր Թոմաս Վուդրո Վիլսոնի արձանի տեղադրման նախաձեռնություն իրականացնելու վերաբերյալ:

2. Երևան քաղաքի տրանսպորտի աշխատանքի վերաբերյալ:

3. Երևանի քաղաքապետարանի կոմունալ վարձերի վերաբերյալ:

4. Երևանի վարչական շրջաններում քաղաքացիների հետ հանդիպումների եւ քննարկումների անցկացման աշխատանքների կազմակերպման վերաբերյալ:

5. Երևանի ավագանու վերահսկողական լիազորությունների հետ կապված` ավագանու և քաղաքապետի իրավական ակտերի, քաղաքապետարանի աշխատակազմի ստորաբաժանումների, քաղաքային ենթակայության կազմակերպությունների գործունեության վերաբերյալ տեղեկությունների հիման վրա հասարակական կազմակերպությունների, մասնագիտացված խմբերի և անհատների հետ աշխատանքների կազմակերպման վերաբերյալ»,- ասված է հաղորդագրության մեջ:

Նշենք, որ այսօր տեղի կունենա Երևանի նորընտիր քաղաքապետ Տարոն Մարգարյանի երդման արարողությունը: «Ելք» դաշինքը մասնակցելու է արարողությանը: