Հենրիկ Հարթենյանը վայր կդնի՞ ավագանու իր մանդատը. «Իմ քայլը» հրատապ նիստ է հրավիրել

Ինքս, և բոլորս դատապարտում ենք առհասարակ բռնությունը, նմանատիպ կոչերը, դրսևորումները, բայց այս պահին որևէ հայտարարություն անել չեմ կարող, ըստ Yerkir.am-ի, ասաց Երևանի ավագանու «Իմ քայլը» խմբակցության անդամ Արման Անտոնյանը, ով ևս մասնակցում էր  խմբակցության հրատապ հրավիրած նիստին:

Օրակարգում «Իմ քայլը» խմբակցության անդամ Հենրիկ Հարթենյանի ֆեյսբուքյան գրառում էր: Նա տեղեդարել է ՍԴ նախագահ Հրայր Թովմասյանի դստեր լուսանկարն ու գրել. «Հ. Թովմասյանի աղջկա ֆբնա, ձեզ տեսնեմ ժողովուրդ ջան»:

Թեպետ Հարթենյանը ավելի ուշ ջնջել է իր ֆեյսբուքյան էջը, սակայն գրառումը քննադատությունների և քննարկման առարկա էր դարձել սոցիալական ցանցերում: