Իմ շնորհիվ է, որ Սամվել Ալեքսանյանին այդքան ձայն տվեցին. «Հրապարակ»

«Հրապարակ»-ը զրուցել է Կորյուն Նահապետյանի հետ, ներկայացնում ենք հատված հարցազրույցից:

ԱԺ գործարար պատգամավոր Սամվել Ալեքսանյանի փեսա Կորյուն Նահապետյանը, որը ՀՀԿ ռեյտինգային ցուցակով առա­ջադրվել էր Մալաթիա-Սեբաստիա և Շենգավիթ վարչական շրջաններն ընդգրկող ընտրատարածքներում, հավաքել է ընդամենը 1000 ձայն, բայց, քանի որ նույն ընտրատարած­քում ՀՀԿ թեկնածուները միասին 60 հազարից ավելի ձայն են ապահովել կուսակցության համար, ապա ընտրա­տարածքից երեք պատգամավոր է գործուղվել խորհրդարան: Ամենաշատ ձայն ստացել է Սամվել Ալեքսանյանը՝ 42 հազարից ավելի: Կորյուն Նահա­պետյանը, կարելի է ասել, մանդատի համար պարտական է իր բարեկամ Ալեքսանյանին: Այս և այլ հարցերի մասին զրուցեցինք ԱԺ պաշտպանու­թյան, անվտանգության և ներքին գոր­ծերի մշտական հանձնաժողովի նա­խագահ Կորյուն Նահապետյանի հետ

 -Արդյո՞ք ընդհանուր ցուցակին են ձայն տվել, չե՞ք կարծում, որ եթե Ալեքսանյանը չհայտնվեր նույն ցուցակում, որտեղ Դուք էիք, և ընտրություններում գործի չդներ իր ռեսուրսները, Դուք չէիք հայտնվի խորհրդարանում:

 -Ես Ձեզ կարող եմ վստահեցնել մեկ այլ բան, որ իմ գործընկերների ստացած այդ բարձր ցուցանիշի թվաքանակի հարցում չեմ ուզում բացա­ռել նաև իմ դերակատարությունը:

 -Այսինքն՝ Ձեր շնորհի՞վ է, որ Ալեքսանյանին այդքան մարդ ձայն է տվել:

 -Այո, ինչո՞ւ ոչ:

 Մանրամասները` թերթի այսօրվա համարում