2018թ.-ին կտեսնեք ամեն ինչ. Կարեն Կարապետյան

Արդեն տեղեկացրել ենք, որ քաղաքացիական իր պարտքն է կատարել վարչապետ Կարեն Կարապետյանը: Լրագրողները հետաքրքրվեցին, որ երբ օրերս հայտարարեց, թե կցանկանար 2018թ.-ից հետո էլ մնալ վարչապետ, դա միայն ցանկությա՞ն մակարդակում է, թե՞ հստակ պայմանավորվածություն կա, Կարապետյանը հայտարարեց. «Կարելի՞ է ամեն օր դրա մասին հարցնել: 2018թ.-ին կտեսնեք ամեն ինչ: Ամեն օր էդ հարցը, որ տալիս եք՝ բա՞ն փոխվում է»:

Լրագրողները նաեւ հետաքրքվեցին Պաշտպանության նախարար Վիգեն Սարգսյանի հետ ունեցած հարաբերությունների մասին, որոնք ըստ մամուլի, լարված են: Կարապետյանը նախ ասաց, թե չի հասկանում՝ որտեղի՞ց է մամուլը դա վերցնում, հետո հավելեց, որ հարաբերությունները նորմալ աշխատանքային են: