Իտալական հեծանվային գիշերը կավարտվի Երևանում

Ապրիլի լույս 23-ի գիշերը իտալական Ֆլորենցիայում մեկնարկում է Հեծանվագիշեր-2017 միջազգային նախագիծը: Դա պատմաճարտարապետական շրջագայություն է աշխարհի քաղաքներով գիշերային հեծանվային զբոսանքների ձևաչափով:

Ծանոթանալով Ֆլորենցիայի ճարտարապետությանը՝ հեծանվորդները կուղևորվեն Վերոնա, Կազան, Մոսկվա, Սերգիև Պոսադ, Իրկուտսկ, ապա Կրասնոյարսկ, գրում է «Rusarminfo»-ն:

Հեծանվային արշավի վերջին կետը կլինի Երևանը, ուր Հեծանվագիշեր-2017-ի մասնակիցները կժամանեն հոկտեմբերի 7-ին:

Ըստ կանոնների, հեծանվորդների արագությունը քաղաքներից յուրաքանչյուրում էքսկուրսիաների ժամանակ չպետք է գերազանցի 8 կմ/ժ, դա թույլ կտա հիանալ տեսարժան վայրերով:

Հեծանվագիշերն անցկացվում է ամեն տարի 2007-ից ի վեր: