Թուրքիան կմնա անհավասարակշիռ և ոխակալ մարդու ձեռքերում. The New York Times

Միջազգային հեղինակավոր թերթերը շարունակում են արձագանքել Թուրքիայում կայացած հանրաքվեին և պատկերացնել հավանական զարգացումները երկրում:

Ամերիկյան The New York Times թերթը ընտրությունների արդյունքների վերաբերյալ նշել է, որ Թուրքիան կշարունակի մնալ անհավասարակշիռ մարդու ձեռքերում: «Թուրքիայում սահմանադրական փոփոխությունների վերաբերյալ հանրաքվեի մասին ասվելիք ամենալավ բանն այն է, որ ժողովրդի 48.7 տոկոսը նախագահ Էրդողանի բռնապետական կառավարման դեմ արել է մինչ այսօր արված անհամեմատ քայլ: Կիրակի օրը ձայների 60 տոկոսն ակնկալող Էրդողանը պարտվեց մեծ քաղաքներում՝ ինչպիսին են Անկարան և Ստամբուլը»,- գրել է թերթը:

The New York Times-ի համոզմամբ՝ ընտրությունների արդյունքում պարզ դարձավ՝ Թուրքիան կշարունակի մնալ անհավասարակշռված և ոխակալ մարդու ձեռքերում:

Թերթը նաև հիշեցրել է դեռևս 2003 թվականին վարչապետ դառնալու ժամանակ Էրդողանի ելույթը՝ Թուրքիան մուսուլմանության և ժողովրդավարության օրինակ դարձնելու վերաբերյալ: «Էրդողանը վերջին տարիների ընթացքում ագրեսիվ կերպով մարեցրեց ընդդիմությունը, բանակը, ակադեմիան և մամուլը: Ռազմական հեղաշրջումն էլ պատրվակ դարձավ, որ նա ավելի սանձարձակվի»,-նշել է թերթը: