Գյուլենի ու Էրդողանի հարաբերությունները շատ լավ էին. Ալիև

Ռուս լրագրող Վլադիմիր Սոլովյովը մանրամասներ է հայտնել Ադրբեջանի նախագահ Իլհամ Ալիևի հետ հանդիպման մասին:

Ըստ Demokrathaber-ի՝ հանդիպման ընթացքում Ալիևը խոսել է Թուրքիայի նախագահ Էրդողանի և Թուրքիայում ահաբեկչական համարվող Գյուլենական շարժման ղեկավար Ֆեթուլլահ Գյուլենի միջև հարաբերությունների մասին:

Նշենք, որ ամերիկաբնակ Գյուլենը մեղադրվում է Թուրքիայում ռազմական հեղաշրջման փորձը գլխավորելու մեջ: Թուրքիայի իշխանությունները պաշտոնական կապեր են հաստատում ԱՄՆ իշխանությունների հետ՝ նրա արտահանձնումն իրականացնելու համար:  

Սոլովյովը հայտարարել է, որ հանդիպման ընթացքում Ալիևը հայտնել է Գյուլենին պատկանող դպրոցները չփակելու պատճառը: «Գյուլենի ու Էրդողանի հարաբերությունները շատ լավ էին, այդ պատճառով էլ նախկինում չենք փակել Գյուլենի դպրոցները»,- նշել է նա:

Ռուս լրագրողի այս հայտարարությանը Թուրքիան դեռևս չի արձագանքել: