ՀՅԴ «Նիկոլ Աղբալյան» ուսանողական միությունը ԲՈւՀ-երի շրջակայքում բաժանեց իր նախընտրական ծրագիրը

Հայտնել ենք, որ երեկ տեղի է ունեցել ՀՅԴ «Նիկոլ Աղբալյան» ուսանողական միության նախընտրական պլատֆորմի պաշտոնական շնորհանդեսը: Այսօր երիտասարդները մի շարք ԲՈՒՀ-երի շրջակայքում իրենց նախընտրական ծրագիրը բաժանեցին ուսանողներին:

Երթուղին հետևյալն էր` ագրարային, պոլիտեխնիկական, ճարտարապետական, բժշկական  համալսարաններ, ապա ԵՊՀ-ի 6-րդ մասնաշենք, ԵՊՀ կենտրոնական մասնաշենք և վերջում` մանկավարժական համալսարան:

«Այսօրվանից մինչև ընտրությունների նախորդ օրը պատրաստվում ենք մայրաքաղաքի տարբեր հատվածներում հանդիպումներ ունենալ հիմնականում երիտասարդների հետ և ներկայացնել մեր քարոզչական ծրագիրը: Առաջին հանդիպումը, իհարկե, չէինք կարող չանցկացնել այն հատվածներում, որտեղ շատ ուսանողություն կա»,- Yerkir.am-ի հետ զրույցում ասաց  ՀՅԴ ՆԱՈՒՄ նախընտրական շտաբի  ներկայացուցիչ Գևորգ Ղազարյանը: