Կհաստատվեն «Իմ Հայաստան» համահայկական փառատոնի` 2016թ. ծրագիրն ու միջոցառումների ցանկը

Կառավարության վաղվա նիստում Սփյուռքի նախարարությունը հարց է ընդգրկել՝ հավանություն տալ «Իմ Հայաստան» համահայկական փառատոնի 2016 թվա­կանի ծրագրին և միջոցառումների ցանկին, ինչպես նաև հանձնարարել Սփյուռքի նախարարին, տա­րած­քային կառավարման և արտակարգ իրավիճակների նախարարին, արտաքին գործերի նախա­րարին, Հայաս­տանի Հանրա­պե­տու­թյան մշա­կույթի նախարարին, կրթու­թյան և գիտության նախարարին, առողջապա­հու­թյան նախարարին, կառավարությանն առընթեր ոստիկանության պետին, կառա­­վա­րությանն առընթեր պետական գույքի կառավարման վարչու­թյան պետին, մարզպետներին և առաջարկել Երևանի քաղաքապետին` ապահովել նախատեսված ծրագրի և միջոցա­ռում­ների կատարումը:

Նախագծի ընդունումը նպատակ ունի նպաստել Սփյուռքում հայ մշակույթի և մշակութային ինքնության պահպանմանն ու զարգացմանը, աջակցել Հայաստան-Արցախ-Սփյուռք կապերի ամրապնդմանը, համագործակցության նոր ձևաչափերի ձևավորմանը, սատարել Հայաստանի և Սփյուռքի երիտասարդ ստեղծագործողների միջև մշակութային կապերի խորացմանը և համատեղ ծրագրերի մշակմանը և իրականացմանը,  օժանդակել ժամանակակից հայ արվեստի զարգացմանը և գովազդմանը: