Ինչ գիրք է խորհուրդ տալիս կարդալ ԿԳ նախարարը

Տեղեկացրել էինք, որ, Գիրք նվիրելու օրվան ընդառաջ, այսօր ԿԳ նախարար Լևոն Մկրտչյանն այցելել էր Արզականի Խ. Խաչատրյանի անվան միջնակարգ դպրոց:

Yerkir.am-ը հարցրեց` ի՞նչ գիրք խորհուրդ կտա ընթերցել նախարարը, կամ ո՞րն է այն գիրքը, որը նա շատ է սիրում: Մկրտչյանը պատասխանեց, որ իր համար, առհասարակ, շատ կարևոր է գիրք հասկացությունը: «Ես շատ եմ ուրախանում, երբ Երևանում բացվում են սրճարան-գրախանութներ, և այնտեղ շատ երիտասարդներ եմ տեսնում, քանի որ այդ մշակույթը սկսում է վերադառնալ: Առհասարակ, եթե նկատել եք, գրքի նկատմամբ աշխարհում հետաքրքրությունը սկսում է մեծանալ: Ինչ վերաբերում է կոնկրետ ինչ գիրք խորհուրդ կտայի, ասեմ` Մարկեսի «Հարյուր տարվա մենությունը» և Վիլյամ Սարոյանի ցանկացած ստեղծագործություն»,-ասաց նախարարը: