Իտալիայի նախկին վարչապետը՝ ՌԴ-ին G8-ի ձեւաչափ վերադարձնելու անհրաժեշտության մասին

Իտալիան պետք է շարունակի ջանքեր գործադրել՝ Ռուսաստանի մասնակցությամբ G8-ի ձեւաչափը վերականգնելու համար: Այս մասին ասված է Իտալիայի նախկին վարչապետ, Եվրահանձնաժողովի նախկին ղեկավար Ռոմանո Պրոդիի՝ Messaggero պարբերականում հրապարակված հոդվածում:

«Կարծում եմ՝ G7-ի անդամ Իտալիայի խնդիրն է անել հնարավոր ամեն ինչ՝ աստիճանաբար Ռուսաստանին G8-ի ձեւաչափ վերադարձնելու համար: Ռուսաստանի հետ հարաբերությունները վերականգնելու հիմնական պատճառն ԱՄՆ նախագահից առաջ դիրքեր զբաղեցնելու անհրաժեշտությունն է»,- կարծում է Պրոդին:

Նրա խոսքով՝ մայիսին կայանալիք գագաթաժողովին Ռուսաստանին հրավիրելու հնարավորությունն իրագործելի է թվում՝ Վլադիմիր Պուտինի հետ հարաբերությունները բարելավելուն ուղղված Դոնալդ Թրամփի՝ «անսպասելի եւ գրեթե անհավանական» քայլերի լույսի ներքո:

Պրոդին նշել է, որ «ութնյակի» ձեւաչափին վերադառնալու անհրաժեշտությունը թեկադրված է այն գիտակցությամբ, թե Ռուսաստանի մեկուսացումը, այդ թվում՝ պատժամիջոոցների սահմանումը, որքան թույլ ազդեցին Դոնբասում ճգնաժամ կարգավորման վրա եւ որքան մեծ է Մոսկվայի ներդրումը Եվրոպայում եւ Մերձավոր Արեւելքում ահաբեկչության դեմ պայքարի եւ անվտանգության ապահովման գործում: