Մեկ օրում Միջերկրական ծովում փրկվել է 1300 ներգաղթյալ

Միջերկրական ծովի կենտրոնական մասում մեկ օրում անցկացվել է 13 փրկարարական գործողություն, որի արդյունքում փրկվել է 1300 ներգաղթյալ, հայտնում է Korrespondent.net-ը` հղում անելով Reuters-ին:

Փրկարարական գործողություններն իրականացրել է Իտալիայի առափնյա պահպանության ծառայությունը, իսպանական և բրիտանական ռազմանավերը, ինչպես նաև` առևտրային նավեր և ոչ կառավարական կազմակերպությունների նավեր։

Reuters-ը նշում է, որ նույնքան ներգաղթյալներ փրկվել են Միջերկրական ծովում չորեքշաբթի։
«Այժմ ուղևորությունը Միջերկրական ծովով Լիբիայից Իտալիա հանդիսանում է ներգաղթյալների համար գլխավոր երթուղին դեպի Եվրոպա։ Անցած տարի այդ ուղին հաղթահարել են ռեկորդային՝ 181 հազար անձիք», - ասվում է հրապարակման մեջ։