Ծանրամարտ. ևս 2 քաշային կարգերում հայտնի դարձան Հայաստանի չեմպիոնները. ԼՈւՍԱՆԿԱՐՆԵՐ

Երևանի Օլիմպիական հերթափոխի մարզական քոլեջում շարունակվում է ծանրամարտի տղամարդկանց Հայաստանի առաջնությունը:

Երեկ հայտնի դարձան 69 և 77 կգ քաշային կարգերում Հայաստանի չեմպիոնները:

69 կգ քաշային կարգում հաղթող դարձավ Վանիկ Ավետիսյանը, ով երկամարտում ցույց տվեց 291 կգ (126+165) արդյունք:

Երկամարտում ցույց տված 289 կգ (130+159) արդյունքով երկրորդ հորիզոնականը գրավեց Ռոստամ Կարապետյանը, իսկ Ազատ Հակոբյանը 280 կգ (130+150) արդյունքով եզրափակեց եռյակը:

77 կգ քաշային կարգում հաղթող է դարձել Ժորժ Եղիկյանը, ով պոկել է 137  և հրել 165 կգ ծանրաձողը;

Երկամարտում ցույց տված 299 կգ (130+169) արդյունքով փոխչեմպիոնի կոչումը նվաճել է Մարտին Դարբինյանը, իսկ Ռազմիկ Օլթեցյանը 298 կգ (131+167)  արդյունքով գրավել է 3-րդ հորիզոնականը: