ՀԱՊԿ նոր գլխավոր քարտուղարը Հայաստանի ներկայացուցիչը կլինի. նախարար

Այսօր ԱԳ նախարար Էդվարդ Նալբանդյանը լրագրողներին հայտնեց, որ, քվոտայի համաձայն, ՀԱՊԿ գլխավոր քարտուղարը պետք է լինի Հայաստանի ներկայացուցիչ: Նախարարը նշեց, որ մեկ շաբաթ առաջ ՀԱՊԿ խորհրդի նիստում որոշում է կայացվել, որ քարտուղարի պաշտոնը պետք է ստանձնի Հայաստանի ներկայացուցիչը: Այդ որոշման վերաբերյալ նախագիծն ուղարկվել է ՀԱՊԿ անդամ երկրների ԱԳ նախարարներին, որպեսզի  նրանք առանձին-առանձին հաստատեն այդ որոշումը, որից հետո այն կներկայացվի հաջորդ ՀԱՊԿ գագաթաժողովին:

«Հուսով ենք` շուտով պարզ կլինի` երբ տեղի կունենա ՀԱՊԿ հաջորդ գագաթաժողովը: Խոսվում էր, որ այն պետք է ապրիլին կայանա: Դա դեռ պետք է որոշվի»,- ասաց Նալբանդյանը: